kalòt la

Bay yon kalòt Se menm ak desann kilòt Li fasil pou w fè Men nou bliye sil gen revè Bay kalòt Se degrade zòt Imilye li, diminye li Se retire moun ki nan li Bay kalòt Pi rèd ke kase kòt Li blese w jis andedan w Li make w jis nan nannan w Bay kalòt Se yon gwo fòt Li mete HUEH an demon Fè MSPP pran nan pongongon Bay kalòt Touye anpil lòt Li bloke lopital piblik yo Li leve rido sou kritik yo Bay kalòt Denonse matlòt Ki nan, gwo enstitisyon, pwostitisyon ak kòripsyon Bay kalòt Ka fè bòt, Li souke chèz nan ministè Li jete piti ak gwo direktè Bay kalòt, Se zak tèt wòwòt Nèg ki wè pwent nen yo Men ki pa wè fen yo. Pa bay kalòt, Pa vin kraze vòt Vote pou renmen Lapè ak evite zen Copyright Dr Jhon Evenst Douyon 11 mai 2016